HUWELIKSBERADER

in Risiville, Vereeniging

Lucasstraat 37, Risiville,

in Vereeniging

082 9272575

Huweliksvoorbereiding

Wanneer ‘n paartjie in ‘n huwelik instap is hulle kans (volgens statistiek) 88% om dit te laat misluk. Daarom maak dit net sin om reeds voor die troudag seker te maak dat jy die nodige toerusting bekom wat jou kans op sukses drasties verbeter.

En dis waar huweliksvoorbereiding in die prentjie kom. Huweliksvoorbereiding is ‘n proses waardeur ‘n paartjie gehelp word:

• Om ‘n volledige assesering van die bestaande verhouding te doen;
• Om die unike bedreigings vir hulle verhouding (oor die kort en langer termyn) te identifiseer;Om die dinamika van naby verhoudings beter te leer verstaan - veral ook hoe om dit teverstel dat dit beter werk;
• Om die effek van teleurgestelde verwagtings en behoeftes raak te sien en te leer bestuur;
• Om die verskillende dimensies van ‘n huweliksverhouding beter te leer bestuur;
• Om mekaar se uniekeheid (funksioneringstyle) te ontdek en te leer hoe om om dit beter te sinchroniseer
• Om die vaardighede te bekom om ‘n haakplekke in die huwelik uit te sorteer;
• Om ‘n basiese onderhoudsplan vir julle verhouding te ontwikkel en in plek te kry; en
• Hoe om oor die langtermyn ‘n gelukkige en vervullende verhouding te handhaaf.

In hierdie praktyk loop ‘n voorbereidingsprogram oor 7-12 sessies van 90 minute elk - afhangende van wat in die assesering gevind word. Tegelykertyd kry die pare ook lees- of oefenwerk wat hulle tussen sessies moet doen. Beide as toepassing van die sessie en as voorbereiding vir die volgende sessie.

‘n Huweliksvoorbereiding program is aan die een kant gebaseer op algemene beginsels. Só het ek (byvoorbeeld) oor die loop van 35 jaar geleer dat meeste pare in krisis beland en by my uitkom as gevolg van ‘n paar basiese probleme. Dis byna asof almal daarin vasval. Daarom word daar in die voorbereidingsprogram gewerk om pare te help om vaardighede te bemeester wat hulle pantser teen hierdie algemene verhoudingsprobleme waarmee pare sukkel.

Aan die ander kant word die assessering gebruik om die unieke haakplekke en potensiële probleme vir elke spesifieke paar te identifiseer. Dit plaas die haakplekke op die tafel wat eie aan hierdie paar is. Wanneer daarmee gewerk word, word dit gedoen op ‘n manier wat hulle by voorbaat help om die probleme deur te werk. En om  vaardighede te bekom wat hulle in staat sal stel om dit in die toekoms beter te hanteer.

Ten diepste gaan huweliksvoorbereiding daarom oor ‘n proses wat pare

• Help om nuwe denkpatrone te vorm oor wat ‘n huwelik is en hoe ‘n goeie huwelik werk. Dis vanuit hierdie nuwe denkpatrone dat hulle dan leer om op ander, meer effektiewe maniere met hulle eie verhouding te werk.
• Help om probleme wat voor die huwelik reeds die verhouding ondergrawe beslissend aan te spreek en
• Toerus met vaardighede om die tawwer kwessies in die verhouding suksesvol te kan deurwerk en by oplossings te kan uitkom.

Hiermee verseker huweliksvoorbereiding nie noodwendig ‘n suksesvolle huwelik nie. Tog gee dit die nodige gereedskap waarmee ‘n paartjie ‘n goeie huwelik kan bou. Mits hulle daarvoor kies en mits hulle die gereedskap gebruik en daarmee oefen tot hulle dit bemeester het.

Kliek op die pyl om meer te lees oor die huweliks verryking

Kliek op die pyl om meer info oor my te kry

DIENSTE WAT EK LEWER…

Assessering van die verhouding as geheel  en of aspekte van die verhouding

Huweliksberading/ huweliksterapie

Intensiewe huweliksterapie (meer sessies oor korter tye)

Afrigting in verhoudingsvaardighede

Bemiddelling van konflik

Huweliksvoorbereiding

Huweliksverryking (of -verdieping)

Huwelikseminare

Huwelikspraatjies (as spreker)

Opleiding van huweliksberaders

Funksioneringstyl analises

Opleiding in “crucial conversations”